كنت راجع من المطار في جدة وواقف في إشارة طريق التحلية تقاطع أم القرى ,,, قاعد أسمع أغنية لمحمد عبده ورابح صقر ومروّق ,,, وفي الإشارة الي مقابلي “جيب مرور جدة” واقف مثلي ينتظر الإشارة ,,,

فتحت إشارتنا ,,, درررررررررررررربج !!! صدمني “جمس” رمادي من ورا ,,, ظهري أنفلق ,,, المرايا الأمامية طارت ,,, السيارة فزت فزة حلوة للأمام ,,, أخذت يسار (صارت يساري مكتبة جرير وأنا في طريق أم القرى) وجنّبت على جنب ,,, بكل بساطة الأخ راعي الجمس دععععععس ورررر قدااام كمل خطه في التحلية  وسحب علي

طبعاً هالثقافة موجودة وعادية ,, لكن الي مو عادي !!! الدورية واقف في الإشارة !!! لا أخذ (يو تيرن) ولا طق السفتي !! ولا شي !!!! بكل برود فتحت إشارته ,,, كمل طريقه بشكل معاكس تماماً لطريق الجمس الهارب !!!

أنا تدبّل علي القهر أول شي صدمني واحد وجحدني وهرب !!! وثاني شي الي المفروض يحميني هرب !!! يعني ما نلوم راعي الجمس

فقلت مالي إلا الوحوش “993″ وأتصل عليهم ويطلع خطهم مشغول وأتصل ثاني مرة مشغول وأتصل مرة ثالثة مشغول وأتصل مرة رابعة مسك الخط أخيرااااً راح أشارك في مسابقة من سيربح المليون <— لخبط مسكين

المهم رد الأخ “993″ قلت له في واحد صدمني وهرب وقدام دورية جيب كان واقف في اشارة طريق التحلية مع أم القرى عند جرير يا ريت لو تكلمه يشوف لي اللوحة والا يشوف لي حل لأنه شاف الحادث قدام عيونه ,,, قال لي أبشر الحين يجيك الدورية خلك عند جرير ,,, قلنا أوكي ,,, هذا الكلام 11:14 الصباح ,, جلست الين  11:30 ,,, ملّيت وعارف نهايتها ما راح يجيبوا شي دام الأخ هذاك ما شاف شغله الي في الميدان ,,, فما بالك بالي بعدهم ,,, حركت ومشيت ,,,, قبل شوي أتصل علي رقم ثابت من جدة قال معك المرور الدورية هناك عند جرير وينك ؟ قلت بتهكُم: مشيت ,,, قال بكل برود واستهتار وتهكم أكثر مني: شكرررررررراً درررربج قفل في وجهي ,,,, ههههههه ما صدق بالطقاق الي يطقك ما تبي دورية بكيفك ,, هذا الكلام الساعة 11:37 يعني بعد الإتصال بـ23 دقيقة ,,,

السؤال: إلى متى وهذا الإستهتار من المرور والدوريات عندنا ونجد أن من أكبر همومهم “خلص دفترك” وأمشي ؟

المشكلة فيهم عقليات غريبة من أصغرهم لأكبرهم ,,, تذكرت قصة حصلت لي قبل 5 أو 6 سنوات ,,, لوحة سيارتي الأمامية تلفت ورحت لمرور جدة ودفعت رسوم إصدار لوحة بدل تالف وطلبوا مني لوحتي التالفة وأعطوني ورقة توضح إن اللوحة الأمامية لديهم وأنه يحق له قيادة السيارة بدون لوحة أمامية وإنه دفع رسوم إصدار لوحة بدل تالف ,,, الوضع سليم 100%

وكنت أمشي من طريق الملك بشكل يومي تقريباً ومرة وقفني أحد الأفراد من الدوريات وسألني سؤال غريب: “من وين لك هالورقة ؟”

طبعاً أنا طالعت فيه قلت: من المرور من وين يعني ؟

قال: إنت متأكد ؟

قلت: إنت وش شايف ؟

قال: مين الي بيعطيك هالورقة ؟

قلت: المرور !

قال: لا !! هذي الورقة مزورّة !!

ضحكت قلت وليه أزوّر ورقة زي هذي !!

قال: أنا متأكد إن هذي الورقة مزورّة

قلت: يبوي مهي مزورة أنا كنت صادم واللوحة خربانة وطلبت بدالها وأعطوني هالورقة لأنه اللوحات ما “تتسبك” في جدة ,, يعملوها في الرياض وتاخذ وقت !! فيعطوني هالورقة عشان أمشي فيها مو أتعطّل زي ما أنت معطلني !!

قال: خلّك هنا وأرجع لك

انتظرت وانتظرت وانتظرت ,,, وأنواع التعطيل !!! الي فهمته إنهم قاعدين يكلموا أحد أكبر منهم يتصلوا عليه القايد قاعدين يقولوا

رجع الأخ ,,, قال يالله على الحجز !

قلت: هاه ؟

قال: الحجز ,,, يالله قدامي بيركب معك عسكري يودي السيارة للحجز لين ما تجيب اللوحة !!!

قلت: أنا موب متحرك لين يجيني ضابط وأتفاهم معه

الحين الي ضحك العسكري وقال: القايد علي بن مسلم الي قال نحجز سيارتك هذا أعلى واحد عندنا ما راح يفيدك ولا ضابط

أنا أحسبه يقول كذا عشان يمشي الموضوع فقلت له طيب خلني أكلمه !!! قال هو في بيته كلمناه عشانك !!!,,, قلت موب ماشي أنا أحتاج السيارة ومن حقي إني أسوقها أنا دافع الرسوم وأوراقي سليمة ووراي جامعة بكرة وما عندي غير هالسيارة  !!!

قال: حلوة ما تمشي !!! ويسحبني هو وعسكري من يدي ويصرخوا يالله يالله !!!

ويدخلوني لسيارتي مكان الراكب ,,, وركب مكاني (مكان السواق) أحد العساكر ومشي بالسيارة لين الحجز ويددددعس مبسوط وأنا محروق <— والله فرق النفسيات بعد

المهم أخذوها الحجز وأنا أتصلت على عبدالرحمن أخوي وأخذني للبيت وأنا طول الطريق —> :S

المهم قلت مالي إلا هالقائد المسكين الي لزقوها فيه أروح له الصبح وأتفاهم معه

ثاني يوم الصبح رحت لمقر الدوريات ,,, وقلت أبي القائد علي بن مسلّم ,,, ليه وما ليه ,,و اقعد فهمهم ,,, المهم دخلت شفته

قلت له السالفة وقلت له إنهم قالوا إنك انت الي قلت كذا وأنا قلت مو معقول إنه إنت تقول كذا

قال: أوووه انت الي دقوا علي آخر الليل عشانك !!! ايه أنا الي قلت لهم يحجزوا سيارتك !!!

أنا:

قلت: أنا معي ورقة من إدارة المرور تفيد بإنه اللوحة مسحوبة عندهم لإصدار بدل تالف وإني دافع الرسوم للدولة ويحق لي أمشي لمدة 15 يوم بهذي الورقة والورقة ما زالت في تاريخ الصلاحية !!!

قال: هالورقة ما تعني لي أي شي !!

قلت: شلون ما تعني لك أي شي !!! هذي ورقة من جهة حكومية مثلكم ومختومة ويحق لي بناءًا عليها أمشي في أي مكان !!

قال: قلت لك هالورقة ما تعني لي أي شي وخذها ورجعها للي عطاك هي ,,, وسيارتك بنطلعها لك الحين ولكن لو شفتك ماشي في “شارعي” بدون اللوحة الأمامية ومعك هالورقة أو غيرها !! مرة ثانية بحجزها لك شهر !! مو يوم هالمرة بمشيها !!!

أنا شفت هالعقلية الي قال “شارعي” مشيت ,,, وأنا في طريق العودة للبيت ,,, أتذكر كلامه “رجعها للي عطاك هي” ,,, قريت الورقة مكتوب تحت “مدير مرور جدة العميد/ العبيلان” أظن عبدالعزيز اسمه ,,, قلت دام هالورقة مالها فايدة خلني أرجعها له

رحت لمرور جدة ودخلت لمدير مكتب المرور ,,, قلت أبي أشوفه ,,, قال لي العسكري دقايق ,,, وفعلاً دخلت بعد دقايق بسيطة وكان معه ضابط قحطاني الي فهمته إنه مساعده

أنا: السلام عليكم

العبيلان: وعليكم السلام

قلت: عندي لوحة تالفة وطلبت إصدار بديل لها ودفعت الرسوم وأخذت هالورقة الي تفيد إنه يحق لي أمشي 15 يوم بدون لوحة أمامية لحين صدور اللوحة من الرياض

قال: طيب وش المشكلة ؟

قلت: المشكلة إنه مسكوني أمس الدوريات ,,, وحجزوا لي السيارة !!! وقال لي قائدهم علي بن مسّلم: “هالورقة ما تعني لي شي !! روح رجعها للي عطاك هي, وإن عاد شفتك ماشي في شارعي مرة ثانية راح أحجز سيارتك شهر بالورقة هذي أو بدونها” , فأنا الحين عرفت إن هالورقة هذي ما يعترفوا فيها الدوريات ,,, ولما قال لي رجعها للي عطاك هي ,,, شفت إسمك تحت ,, قلت أجي أعطيك هي لأنها ما راح تفيدني وبأتعطل الحين 15 يوم لين ما تطلع اللوحة بدون سيارة

العميد مو مستوعب علي قال لك كذا !!!

قلت: والله بالنص قال كذا

دخل القحطاني عرض وقال: أكيييييد ؟؟ حجزوا سيارتك عشان ما فيه لوحة ومعك الورقة ؟

قلت: ايه وأعطيته الورقه

طالع القحطاني: قال الورقة سليمة ,, لكن هل سبب الحجز عدم وجود لوحة ؟ وإلا سرعة وإلا تظليل وإلا ايش بالضبط ؟

قلت: ترا كلامي واضح قلت لك حجزها عشان اللوحة ,,, وأطلع له ورقة الحجز ومكتوب سبب الحجز “عدم وجود لوحة” !!!ا

القحطاني فحص الورقة مضبوط !! كلامه سليم !!!

العبيلان: بالله اتصلوا لي على “علي”

القحطاني: لالا ماله داعي !!! الحين آخر وقت الدوام واليوم ربوع تلقاه مشى !!! <— القحطاني من هاللحظة بدأ يبي يهدي الأمور ويبردها !!

قال العبيلان: دقايق يا ابني ,,, وينادي العسكري ويطلب منه كتابة خطاب إلى جميع المسؤولين “المرور ,, الدوريات ,, المجاهدين ,, الخ” يفيد بإن السيارة **** للراكب **** معروفة لدينا واللوحة تالفة ونرجوا عدم التعرض له وآخرها مدير مرور جدة وختمه ,,, <— على فكرة الختم كان مرة صغير في الحجم ولكن كبير المفعول

وقال لي: اكتب لي ورقة بكل الي صار وأبشر حقك راح تاخذه وراح نحاسب كل الأشخاص اتفضل استريح

رجع القحطاني خش عرض: خلاص اكتبها في البيت وجيبها السبت !! خذ راحتك فيها !!

الي ودي أفهمه ليه هالحركات من هالشخص ؟

الي حصل  ,,, الورقة هذي كانت مو بسيطة أبداً كنت أمر من نفس الأشخاص ولا كلمة من الورقة هذي ,,,

لكن خلاصة الكلام كله ,,, ليه ولمتى فيه هالعقليات من أصغر فرد إلى أعلى ضابط ؟

ونرجع نسأل إلى متى ؟

رسالة شكر بعد 6 سنوات إلى العميد العبيلان فقد كان تعامله راقي جداً ,,,

بعد إنتهاء الفصل الدراسي الأول من الماجستير -طبعاً أحداث كثيرة حصلت يا ريتني كتبتها لكن إن شاء الله تتعوض- ,, بدأنا الحمدلله الإجازة ,,, وبدأ النوووووم ورجعت جدة ,,, و كنت واعد طارق العيدان إني أروح له يومين في الرياض

المهم ,, كلمته يوم السبت 8-1-11 قلت له بكرة عندك شي ؟ قال: الله يحيّك  ,, طبعاً بكل تأكيد ما عندي حجز ,, دخلت موقع الخطوط السعودية وما لقيت رحلات ,, فاشتغلت لمبة !! ليه ما أشوف طيران ناس ؟ وفعلاً دخلت موقعهم ولقيت رحلة وطلع لي السعر 199 ريال !! يا بلاش !! وهوباااا أحجز الذهاب  ,, وأنا في خطوات الحجز أعطاني أول مفاجأة ,, هل تريد تحديد مقعدك ؟؟ ادفع 10 ريال  ,, عديناها ,, ثاني مفاجأة  هل تريد أخذ شنطة اضافية ؟؟ ادفع 100 ريال ,,, عديناها ,, جا وقت الدفع النهائي ,,طلعت ثالث مفاجأة المجموع 558 ريال !! غريبة !! مو المفروض تكون 398 ؟؟ لا يا شاطر ,, فيه ضرائب 160 ريال هههههههههههه ,,, اخترت الدفع بالماستر كارد ,, قال: “سوف يتم اضافة رسوم استخدام بطاقة الائتمان 9 ريال سعودي والاجمالي المطلوب دفعه هو 567 ريال -ذكروني بالاعلان “Keeping our passengers safe in the air” <— لا يفوتكم المقطع جداً معبّر ,,, مو مشكلة تمت عملية الدفع لحجز يوم الأحد 9-1-11 الساعة 13:15 والعودة يوم الثلاثاء 11-1-11 الساعة 09:20

صحيت ثاني يوم (صباح يوم الثلاثاء) رتبت أغراضي -نصاب في وجهي ,, الوالدة رتبت لي أغراضي والشنطة الله يخليها لي- ورحت للمطار والمفاجأة الرابعة وأنا طالع الطيارة الطيارة الي بنطلعها !! ما الذي يحدث هنا !؟!؟ الطيارة !!  صغيرة جداً جداً جداً !!! أصغر طيارة أسافر عليها في حياتي ,,, كنت أظن إن طيارة رحلات القصيم-الرياض أصغر طيارة في العالم ,, وخاب ظني وما بقي على الإقلاع شي  ,,, طلع طيران ناس يستخدم أصغر طيارات في العالم وهذي صورة للطيارة

لا لا آسف ,, غلطت في الصورة !!

قصدي هذي

وأحلى شي ارتفاع الطيارة ,, ما يحتاج سلم طويل ولا شي ,,, لو واحد عنده مهارات الوثب يجري وينط والا هو في وسط الطيارة

ودخلنا الطيارة ,,, يا ساتر !! كل شي تخبط  فيه من كبر الطيارة :P ,,, مقعدين على اليمين ومقعدين على اليسار ,,, وطلع مقعدي عند الشباك ,, ولقد فزت بشرف رؤوية جناح طائرة ناس العظيم !!

أقلعت الطيارة ,,, وطول الرحلة الطيارة تلعب لعب في الجو ,, دخلنا في غيوم ما نشوف الا غيوم ,, فيه شاب سورّي الجنسية جمبي يقول لي باللهجة الشامية: “إتطلع !! زكرتني بأفلام الكرتون لما كنّا زغار !! لما كانوا بيمشوا على الغيوم ”<— الشاب السورّي ”مهند أحمد” توه عريس وشايف الحياة وردية ومبسوط

وترجع الطيارة تللللللعب في الهوا !! عفواً !!! قصدي الهوا الي يلعب بالطيارة !!! ,,, رجعوا شغلوا “ربط أحزمة الأمان” ,,, والعالم خايفة -أنا طبعاً ما خفت أبد - والمشكلة مهند أول مرة يطلع على “طيران ناس” والاثنين الي وراي نفس الفكرة ,,, والجماعة يتشهدوا هههههههههههه

أعلنوا عن قرب الهبوط ,, والطيار يهبط ,, والهوا يلعب ,, والطيار يهبط ,, والهوا يلعب يلعب ,, وأنا أقول “في نفسي أول وآخر مرة” !!

وتهبط الطيارة وتوقف !! بحمد الله وصلنا سالمين قطعة كاملة ,, والشاب “مهند أحمد” قال نفس الي قلته في نفسي لكن بصوت عالي “أول وآخر مرة يا ناااس”

تبغوا تعرفوا وش صار بالعودة ؟

وصلني طارق العيدان يوم الثلاثاء  (اليوم الموعود للمغادرة) إلى مطار الملك خالد الدولي ,,, طلعنا بدري من الساعة 7 المساء من البيت عشان زحمة الرياض ونضمن نوصل في الوقت المناسب ,, وصلنا على 8 ,,, ووداع وأحضان ولازم يقول لك هالزيارة ما تنحسب ونشكر والدته على أحلى طبخ في الثلاث أيام ما فيه إلا وجبات رئيسية ورا وجبات رئيسية

وأروح لكاونتر “طيران ناس” في المطار وأعطيه التذكرة وأنا بكل إعتزاز واصل قبل الرحلة بأكثر من ساعة ومبسوط ,, ويقول لي موظف طيران ناس: “عفواً أخوي الرحلة هذي كانت الساعة تسعة الصباح !!! أقلعت اليوم !!!”

ولك أن تتخيل وجهي الصبوح وقتها ,,, الغلط مني طبعاً -عزيز القارئ أطلع فوق شوف وقت الذهاب 13:15 ووقت العودة 09:20 وليس 21:20 !!!

طبعاً غباء رهيب مفجع !! ومالي أي عذر فيه مهما حاولت أرقع لنفسي ,, والتذكرة طبعاً تروح عليك كاملة حسب نظام “ناس” سواءًا أخذت البوردينج أو لا ,,, والمصيبة دبر لك واسطة لين ما تلقى حجز -رحلات الرياض جدة ضغط ,,  بس لقيت تصريفه هذي إشارة إنه من جد “أول وآخر مرة ياناس” ,,

جلست يومين إضافية في الرياض ,, قابلت المزيد من أصدقاء التمهيدي والمتوسط (محمد النغيمش , بندر الطبيشي) وللأسف ما مداني أكلم غيرهم لأن الوقت جداً ضيق وصدفت إنه في فرع موبايلي نزلوا دفعة من الأيفون 4 وأخذنا لنا واحد أنا ومحمد ,,,  أنا مضطر أنهي الكتابة لأنه يتم الآن الإعلان عن موعد إقلاع طائرة الخطوط الجوية العربية السعودية رقم 1057 والمتجهة بإذن الله تعالى إلى جدة ,, أنا الآن في صالة المغادرة لمطار الملك خالد الدولي أكتب هذي التدوينة لرحلة اليوم الخميس 13-1-11 الساعة 04:30 عفواً !!! قصدي الساعة 16:30

طبعاً وبكل تأكيد الحجز على متن الخطوط الجوية العربية السعودية ,,, نـعتز بخدمتكم ,,,

بعد أول أيام دوام في الجامعة والإنتهاء من ترتيبات تسجيل المواد ولله الحمد إنتهينا منها على خير , كنت على موعد مع رحلة جوية غلب عليها النوم إلى الرياض يوم الإثنين الساعة 08:45 مساءًا منطلقة من جدة إلى الرياض لحضور ورشة عمل مكافحة الرسائلة الإقتحامية التي تنظمها هيئة الإتصالات وتقنية المعلومات في فندق الانتركونتننتال.
دخلت إلى بوابة القاعة الساعة 07:55 صباحاً وكان في الإستقبال موظفي الهيئة وبعد الترحيب سألوني عن إسمي ورقم التسجيل ليتم إعطائي بطاقة الزيارة الخاصة بالورشة والحقيبة المزود بها معلومات وبرامج الهيئة وبرنامج الورشة وكان البرنامج يبدأ الساعة 08:00 صباحاً وينتهي الساعة 03:00 وكان البرنامج مقسم على ثلاث جلسات.
طبعاً لن أسرد تقرير كامل عن برنامج إستمر 8 ساعات ولكن للسهولة سوف أكتب أهم الملاحظات والأحداث من وجهة نظري.

تنظيم أكثر من رائع وحضور كان من عدة جهات وزارية و إعلامية (تلفزيون وصحافة) ومعلوماتية وشركات إتصالات وطلاب وطالبات جامعة الملك سعود.
بدأ البرنامج بكلمة إفتتاحية من معالي محافظ الهيئة الدكتور عبدالرحمن الجعفري أوضح فيها أهمية قطاع الإتصالات للإقتصاد الوطني والفوائد والخدمات العظيمة الذي يقدمها هذا القطاع …. سوف أكمل لاحقاً فيه الآن إجتماع ضروري

الحمدلله على سلامتي وصلت وأنا مهلوك الساعة 03:30 الفجر ما أتذكر من الرحلة إلا إنه جنبي لبناني يشتغل في سعودي أوجيه (كل اللبنانين في السعودية يشتغلو فيها هههه) متجنن من تأخير الرحلة لأن عنده موعد الساعة 7 الصباح ولا راح يقدر ينام زي الناس ,, وإنه فيه عائلة جنبي بنتهم الصغيرة متجننة إنها راجعة من جدة وتصرخ طول الرحلة تنادي أبوها الي قدامي : يبه يبه (يعني يا أبوي بالنجدي) وهو ما يرد عليها !!!
لما رد عليها وقال : نعم !! وش تبي !!!! إكتفت بقول : الرياض خايسه !!!!
لم استطع إلا أن ضحك بصمت من براءة الطفلة وتعبيرها الجارح بحق محبوبتي الرياض … ولكنها مجرد طفلة …. (لا ألومها فقد كنت كذلك في صغري حين عودتي من إجازة المدارس للرياض)

نزلت من الطائرة ,, دخلت إلى مطار الملك خالد ,, نفس الرائحة والشعور الغريب الذي ينتابني دائماً عند العودة إلى الرياض ولكن بشكل مختلف !!
فقد أطلت المدة هذه المرة ,,
عند خروجي من المطار ورأيت الرياض !!
مشاعر غريبة !! متداخلة !! طفولتي وأحلى أيام عمري أراها أمامي ,,, تمر بشريط متقطع ,, شوارع الرياض ومبانيها ,,, جوها الهادئ ,,, ليلها الصامت الجميل ,,, على طول الطريق وأنا أتأمل الرياض وروعة الرياض وجمال الرياض ,,, لقد تغيرت ,, ولكن طبع الرياض الحاد الجميل العذب ما زال مسيطر عليها ,,, عندما اقتربت من المنزل ,,, ونزلت من السيارة ,,, لم أحاول الدخول مباشرة إلى المنزل ….
تأملت الشارع ,, المنزل ,, المسجد ,, المباني الجديدة ,, من هنا كنت أخرج عند طفشي وهمي ,, عندما أمل من الدراسة عادة في أيام التوجيهي ,, أأخذ السيارة وأنطلق في الليال بصحبة محمد عبده (تذكرت بالخصوص أيام المطر وبرد الرياض القاسي مع أنشودة المطر) و عبدالمجيد عبدالله (إنت العزيز وعملني وإدلع ويا ورد وغيرهم … يالله !!) ,,, وكلها نصف ساعة أو ساعة وأعود للمنزل بعد الجولة متجدد الروح والعزيمة …

لم أصدق !! أنا هنا !! أقف هنا ,,, هنا موقع لأحد أجمل لحظات وفصول عمري وأروعها ,, تذكرت شريطاً من الذكريات يعود ويبدأ لأكثر من 6 سنوات تركت فيها الرياض من أجل الدراسة الجامعية
هنا في الرياض ,,, ما أجمل الرياض وما أروعها ,,, لا أعلم كيف تركتك ,, ولكن الواقع يقولها صارخة ,,, لقد رحلت عنك يا رياض !!!

الرحلة من : جدة إلى : الرياض
موعد الإقلاع : يوم الأحد 31/08/2008 الساعة 09:45 مساءًا (ليلة أول يوم في رمضان 1429هـ)
حالة الحجز : مؤكد وتم قطع التذاكر وإصدار بطاقة صعود الطائرة (البوردنج) في نفس اليوم الساعة 12 ظهراً
==============================================================
تنظيم وموعد جميل جداً ولا أروع كخطة سفر يفترض أن أصل إلى محبوبتي الرياض لأرتمي في حضن أمي وأبي وألتقي بأخواني وأتناول وجبة السحور لأول ليلة في رمضان بعد فصل صيفي ساخن جداً وملتهب في حرارة الجو المناخي والدراسي وجاف جداً لخلو الفصل الصيفي من دعم الأهل (ما فيه أمك تصحيك تقول لك قوم الجامعة وتأكلك) < == دب

ولكن ,, من وقف بأمام هذا الحلم الوردي الصغير ؟؟ وذبحه شر ذبحه
كالعادة وبدون أي إنذار سابق ,, بعد أن أوصلني زميلي فهد الأحمري للمطار وقبل موعد الإقلاع بساعة كاملة ,,
دخلت لمنطقة المسافرين بعد التفتيش الروتيني ,, لأسأل عن بوابة الدخول لطائرة فكان الجواب : لم يتم الإعلان عن البوابة للآن ,,, وكانت الساعة 09:25 مساءًا (أي قبل الرحلة بـ20 دقيقة)

طوط ,, عند الإشارة تكون الساعة الـ10:15 ( بعد الموعد المحدد بـ30 دقيقة )
إعلان هام من قبل الخطوط : تأسف الخطوط السعودية لتأخر رحلتها المغادرة من جدة إلى الرياض سوف يتم إعلامكم بباقي التفاصيل الساعة الـ12:10 صباحاً

يا عيني يا عيني بعد ساعتين يعني راح يتكرمو ويتعطفو ويقولو لنا آخر الأخبار مو راح نقلع ,,,

فعلاً نعتز بخدمتكم

راجع من المستشفى في عز الظهر وواقف في الإشارة مع الوالدة الله يحفظها وقدامنا سيارة الأمانة للنظافة

وفجأة بكل بجاحه الراكب الي جنب السواق خلص من السجارة ويرمي أبوها في وسط الشارع !!!

ولما مشي شوفو إش الشعار حقه

ههههههههههههههههههههههههههههههههههههه
هنا يصلح أكتب “لا تعليق”

أضافت شركة ياهو لخدماتها البريدية نطاقات جديدة غير Yahoo.com وهي : ymail.com & roacketmail.com
يعني الي ضاع عليه hani@yahoo.com يلحق hani@ymail.com أو hani@rocketmail.com هههههههههه

عاد العرب الحين أنواع التلقيط للأسامي نذالة ويرموها …. لا أوصيكم إلقط وإرمي ليه احد ياخذه غيرك ؟؟ خلك عربي لا تنسى !!!

عنوان غريب ! سطرّته أنامل زميلة لنا في كلية الصيدلة في جامعة الملك عبدالعزيز إنتقدت فيه عادة دايماً نشوفها و لازم تلاحظها عند شخص ما في كل عائلة ,, ألا وهو : مستشار العيلة في الأدوية ,,, يصرف كل دواء براحته كل ما يشوف واحد يقول أخ راسي أخ بطني أخ ظهري أخ أخ أخ ,,, على طووول روح يبغالك كذا و خذ لك كذا !! طيب إنتى ايش يا حضرة المستشار ؟! تلقاه دارس لي هندسة مدنية و لا رياضيات و لا شريعة أو حتى يكون مهو متعلم بس يحاول عبثاً يسكتك بـ : إسأل مجرب و لا تسأل طبيب !!

شي يقهر صراحة , و إذا جيت تقول لهم أروح الدكتور ,, يقولو لك : على إيش ؟! إنت موسوس ! ما فيك حاجة !! تحب تصرف فلوسك بس ,, موضوع واضح ما فيك شي بس كم مضّاد حيوي و موضوعك يمشي

و الله شي يطرطع بس السؤال المهم : كيف راح نقضى على الجهل هذا ؟ و أخطر شي لو كان في موضوع أعمق من موضوع باندول و إسبريين …

أتركك الآن مع نص المقالة الرائعة الي كتبتها طالبة كلية الصيدلة مشتكية خالتها الي هي “مستشارة الأدوية في عائلتها ” :

منذ أن عرفتها،، هي مستشارة العيلة الدوائية!
ثقة،،جراءة،،لغة انجليزية ممتازة،،ذاكرة قوية..
جعلت خالتي البطلة القومية والوصفة السحرية لجميع المرضى!
-لا بأس..خليهاااا جات عليها..موهيه خاربه خاربة-

كنتُ أغتاظ أحياناً..خصوصاً حينما تشتغل ع العميق:
تنصح بمثبتات الحمل، الكورتيزونات،موسعات الشعب.."وماخفي كان أعظم!"

وحينما وجدت اسمي في كلية الصيدلة،،
وجدت أن غيظي منها تضاعف أضعافاً مضاعفة.

خصوصاً أنها لا تراعي مشاعري: تنصح بهذا الدواء وتنهى عن ذاك..أمامي!
وأنا جالسة قريباً منها كالـ "طربوش" -<<كلمة د.محسن- أو أشد تناحة..
وأشياء في داخلي كالانفجارات..كالزلازل..كالبراكين..وما باليد حيلة!!

حيث أني وإلى ماقبل عشرة أشهر،،مكسورة الجناح رغم رحلتي اليومية للكلية..
مغصوصة بجهلي:
ما كنت أعرف إلا البنادول والفلاجيل والفيتامينات
-لاحس ولا خبر..ولا معالم الميناء ظهرت أو بشائر الفجر-

احتلال
تسلط
ابتزاز
استفزاز
تجبر
غيييييرة
ومشاعر أخرى أتعجب كيف تجتمع كلها في نفسي من هذه الخالة!!
وأنا أكبتها بطفايات الحريق
وأصبر النفس"إن غدا لناظره قريب"
و"كل تأخيرة فيها خيرة" << إلا والله حرقة أعصاب

الآن

أسترجع تلك اللحظات
وأبحث عن تلك المشاعر وذلك العذاب الفريد..

أظنني "استويت" من الغيرة والقهر>>طبختني على نار حامية
واظنها خالتي،، قد صارت تحسب لي حساباً
فتتجنب المواجهات الأرضية المباشرة!!

((للآن ما تواجهت معها .. منتظرة موقف بس ))
-رغم أن صواريخها تصيبني عن بعد حينما أسمع أنها نصحت بدواء-

يا خالتي الحبيبة

رفقاً بي فأنا "قارورة" على صيدلتي غيورة!!
وأمر الدواء ليس بلعبة مشهورة..

وإلى كل "الخالات" و "الخالين"
متى تقتنعون أن حبة الدواء،، مع الجهل ليست بإكسير الشفاء..؟!